NOODEL-care in inamaluwa sigiriya / colombo 2023
or einiger zyt han i bi de essensverteilig suranga und sis mami kenneglernt. sie lebed z‘dritte imene chline bachstei hus. s‘mami vom surange liedet a krebs und isch sit längerem in behandlig.
suranga, 32 jährig, het im 2012 sis rechte bei bimene blindgänger verlore. er het im 2013 es holzbei becho, was nur ade knie bügbar gsi isch. das holzbei het voreme jahr de geist ufge und es isch au nümm reparierbar.
ich möcht ihm gern sini lebensqualität zrugg ge und ihm e professionelli prothese schenke. ohni e bei prothese isch es ihm ned mögli e arbet z’gfinde und sich, sim sohn und sim mami grundzversorge.
de podi und ich hend mitem army hospital kontakt ufgno. sie beschaffed ihri prothesene us australie, russland oder neuseeland und mer chönntet für ihn eini massafertige la. e bei prothese wie de suranga es brucht, chostet zum jetzigem zytpunkt knapp 1200.- schwizer franke.
ich bechumme immer x wieder spende-projekt-afrage, was mi unheimlich freut! danke allen spenderinnen und Spender für eui unterstützig.
NOODEL-care in inamaluwa und umgebig / 2022
sri lanka ide wirtschaftskriise.
es fehlt a nahrigsmittel, gas, benzin, diesel, turismus und dollar. die prekäri situation trifft eus alli schwer. so schwer, dass vieli familie kei ikomme me hend. dur die erhöhte priise chönd sie sich kei nahrigsmittel leiste.
mer hend dank eune spende 18 in armuet lebende familiene mit nahrigsmittel chönne versorge. die schicksalsschläges bim bsuech vo dene familene het mi sehr beschäftigt, trurig und nachdenklich gmacht. ich bi sehr dankbar und froh, dass mer ihne mit dene food-packet e freud hend chönne mache.
NOODEL-care i mission hünd 2019 bis hüt
ned nur bedürftigi menschen bruched da in sri Lanka hilf, au sehr viel hünd.
es isch erschreckend wieviel verwahrlosti strassehünd es da git. aber ned nur verwahrlosti strassehünd, au jeni wo en bsitzer hend sind imene schreckliche zuestand. sie tüend sich hünd zue um ihres dihei z`überwache, aber wenns erkranked, alt oder verletzt sind, kümmered sich absolut niemert um sie. zu 99% wird au kein hund kastriert/sterilisiert, was zur folg het, dass die insle übersät vo hünd isch. viele puppies vo hundebesitzer werdet wie abfall ade strass usgsetzt und ihrem lebe überlah – eifach nur schrecklich. was i au festgstellt han, es werdet nur wiibli usgsetzt und/oder tötet.
ich versuech möglichst vielne hünd z`helfe und ihne e biz läbesqualität zrugg zge.
da einigi fotis
NOODEL-care in inamaluwa sigiriya 23.05.2020
corona – endli hends bi eus d’usgangsperri glockered und mer hoffed alli, dass es kei zweiti welle git! jetzt chan i mi endli wieder a NOODEL-care widme.
immer wieder teiled mer fründe und bekannte mit, dass sie familie kenned wo hilf benötiged.
ich han d‘famile „ehalepolange“ bsuecht. sie lebed imene chline hus i ärmste verhältnis. es macht mi immer sehr trurig wenn i das gsehne.
für de 10jährig bueb „biy name noah rukman“ wo ide 6te klass isch, benötiged sie neui schuel sache und schuhe für‘d schuel.
ich bi nach dambulla gfahre und han ihm alles bsorgt was er brucht. . d‘familie isch so dankbar und hend so fest freud zeigt.
dank eune spende chan i NOODEL-care ufrecht bhalte und ich möcht mi dafür namal herzlich bi eu bedanke♥️.
NOODEL-care in inamaluwa sigiriya 09.03.2020
taridu‘s grossvater „d m g vikrama sinha“ isch ade wirbelsüle erkrankt und chan leider nümme laufe – er liit nur im bett. e operation bringt grossi risike mit sich, da er doch scho 73 jahr alt isch. sie hend sich deswäge gege e operation entschiede. dur‘s ständige ligge im bett het er bereits e bettdepression kriegt. drum bin i subito en rollstuhl mit integriertem wc cho bsorge. vikrama het es strahle und wässrigi auge becho, als er die erste fahrversüech mitem stuhel gstartet het. es isch e wahri freud und es het mi sehr berühert♥️.
